qarmaqshy-tany.kz Аймақ басшысы Нәлібаев Нұрлыбек Машбекұлының қолдауымен елді мекендерді дамыту, оның ішінде ауыл тұрғындарының өмір сүру сапасын жақсарту, оларға жайлы орта жасау бағытындағы жұмыстарды бағалау мақсатында «Үлгілі елді мекен» облыстық конкурсы дәстүрлі сипат алды.

Биылғы жылғы конкурс нәтижесі бойынша Дүр Оңғар ауылы ІІ орынды иеленіп, үздіктер сапынан көрініп, жаңа техникаларға қол жеткізді. Марапатты облыс әкімі Нұрлыбек Машбекұлы аудан әкімі Жандос Еркінбекұлы мен ауыл әкімі Әбімүсілім Қоқановтарға табыстады.

«Тазалық пен ұқыптылық күнделікті өмір салтымызға айналуы қажет. Қалалар мен ауылдардың сәулетті, саябақтар мен ауланың таза болуы ең алдымен басқа біреуге емес, өзімізге керек. Азаматтарымыз қоғамдық орындар мен қоршаған ортаға жанашыр көзқараспен қарауы тиіс» - деп мемлекет басшысы басымдық берген болатын.

Еңдеше қазақылықтың қаймағы бұзылмаған, ұлттық дәстүрдің алтын қазығына айналған сырбойылықтар бұл бастаманы негізгі қағида ететіні сөзсіз. Сыр елінің жетістіктері, үлгі етерлік ерекшеліктері еселене берсін!

Қармақшы ауданы әкімінің баспасөз қызметі