Егін салып, дала жұмыстары қызған шақта Жер – Ананың ырыздығына кенелемін деп еңбектің көрігін қыздырып жүрген диқандар қауымының жай – күйін сұрау мақсатында Қармақшы ауданының әкімі Ә.Ерсұлтанов арнайы барды.
Облыс әкімі Нәлібаев Нұрлыбек Мәшбекұлы аудан тұрғындарының өзін – өзі әлеуметтік маңызы бар бақша өнімдерін егуді тапсырған еді. Бұл жұмыстар аудан көлемінде қарқынды жүргізіліп, елді мекендер өз жұмыстарын қолға алған болатын. Соның ішінде Жаңажол ауылы бойынша бақшалық өнімге 25 гектар жер көлемі дайындалып, бүгінгі күні оның 7 гектарына картоп, 3 гектарына көкөніс, 15 гектарына бақшалық өнімдер егіліп, 123 отбасы егінмен айналысып отыр.