Күн тәртібіндегі ең өзекті мәселе бала қауіпсіздігі

qarmaqshy-tany.kz Аудан әкімінің орынбасары Смағұлов Самат Қыдырбекұлының төрағалығымен ауданның коммуналды қызмет көрсету жүйелеріндегі ақаулардың адам өміріне қауіпсіздігі бойынша мекеме, білім ұйымдары, дербес бөлім басшылары мен аппарат қызметкерлерінің қатысуымен мәжіліс өтті.

Жиында аудан аумағындағы су жүйесі, телеком, электр желілерінің жай-күйі, кәріз құдықтарының тұрғындарға қауіпсіздігін қамтамасыз ету, жылу беру маусымының кедергісіз өтуі мәселелері қаралды. Осыған орай жұмысшы топ құрылып, нәтижесінде Жосалы кент орталығындағы ашық тұрған 8 құдыққа, Төретам кентіндегі 2 құдыққа қақпақ қойылып, дәнекерлеу жұмыстары жүргізілді.

Сонымен қатар аталмыш жұмысшы топ мүшелерімен Жосалы кенті тұрғындарына сыртта тұрған кәріз жүйелерін (септик) жеке аулаларына орналастыруға, ашық тұрған кәріз құдықтарының бетін жабу бойынша түсіндірме жұмыстары жүргізілуде.

Қармақшы ауданы әкімінің баспасөз қызметі