Аудан орталығындағы Жосалы кентінде бүгін сенбілік ұйымдастырылып, дербес бөлім қызметкерлері, білім, мәдениет, денсаулық саласы мен теміржол мекемелерінің мамандары кент аумағын тазалауға шықты.

Сенбілікке барлығы 500-ден астам адам қатысып, кент көшелері, саябақ, жеке аумақтары қалыпқа келтірілді. Сондай-ақ, жиналған қоқыстар арнайы техникалармен шығарылып, уақытша полигонға жеткізілді.

Мекеме қызметкерлерімен қатар аудан әкімі Жандос Еркінбекұлы "Мәңгілік ел" аллеясы мен дендро саябақтың жай-күйін көріп, кент әкіміне қазан айының 15-не дейін қалыпқа келтіру туралы нақты тапсырмалар берді.

Аудан орталығында ғана емес, тазалық жұмысы ауылдық округтердің барлығына жүргізілді. Осы ретте әрбір тұрғынның үй ауласын ретке келтіріп, тал егіп, өңір ажарын ашуға өз үлестерін қосқандары абзал.

©️Қармақшы ауданы әкімінің баспасөз қызметі