Кешіре гөр, Тәңірім!

Мөлдірдің есімі ғана емес, өлеңдері, ақындық жолындағы шығармашылығы да мөлдір. Ұйқасы, сөз саптасы, тереңнен, тұнықтан сөз маржанын теруі, бәрі-бәрі де үйлесім тапқан. Ақын қыздың ақындық қасиеті қанында бар деуге де толық негіз бар. Өйткені ол елімізге белгілі өнер иесі Бекұзақ Тәңірбергеновтің туған перзенті. Аралдың тумасы. 9 сыныптан бастап өлең жазады. 17 жасынан өлең өлкесіне еркелей кіріп, түрлі аудандық, облыстық деңгейдегі ақындар мүшәйрасына қатысып, бағын сынап жүр. Оның бірқатарының бас жүлде иесі болса, қай байқаудан да бос қайтпаған. Мөлдір ақын бүгінде Төретам кентіндегі «Гаухартас» бөбекжай-бақшасында қызмет етеді.

Бүгін ел назарына шығармашыл жанның жүрегінен жарып шыққан өлеңдер топтамасын ұсынып отырмыз. Қанатты қаламнан шыққан ақын қыздарыңыздың рухты туындыларын өздеріңіз де бір байқап көріңіздер, құрметті оқырман!

Жыламасқа жылап,

Сұрамасты сұрап.

Құламасқа құлап,

Жүрген екем, Тәңірім!

Ұйқылы-ояу сана,

Қиналғанда ғана.

Есін жия сала,

Неге өйістеді,

Тәңірім! Бар бол десең, көппіз,

Жоқ бол десең, жоқпыз.

Мейірімің шексіз,

Емес пе еді, Тәңірім!

Қадамын қалт басқан,

Құлшылықтан қашқан.

Бар бұлтымды бастан,

Кешіре гөр, Тәңірім!

Жанға өзің еге,

Бақ нұрыңды төге.

Шуағыңа бөле,

Кешіре гөр, Тәңірім!