2023 жылғы 1-ші қазанынан бастап «Азаматтарға арналған үкімет» «Мемлекеттік корпорациясы» (ХҚК) «Қандас мәртебесін беру» бойынша өтініштерді қабылдамайтынын мәлімдей отырып, «Қандас мәртебесін беру» мемлекеттік көрсетілетін қызметін алу үшін Қазақстан Республикасының шетелдегі мекемелері немесе «е-Qonaq-Құтты мекен» мобильді қосымшаcы арқылы өтініш беруге болатынын хабарлаймыз.

Ол үшін:

-өтініш;

-еркін нысандағы өмірбаян;

-өтініш берушінің және оның отбасы мүшелерінің жеке басын куәландыратын құжаттардың көшірмелері және нотариалды куәландырған қазақ немесе орыс тіліндегі аудармасы;

-жеке басын куәландыратын құжаттарда ұлты жазылмаған жағдайда, өтініш берушінің ұлтын растайтын басқа да құжаттар болуы керек.

Өтінішті жергілікті әкімдік жанындағы құрылған комиссия қарастырады. Комиссия келесі шарттарды ескере отырып, қандас мәртебесін беру немесе бас тарту туралы шешім шығарады.

1. ҚР Үкіметімен белгіленген өңірлерге қоныстандыру үшін;

2. Демографиялық дамуға қажеттілігі бар ауылдық елді мекендерде, аудандық және облыстық қалаларда қоныстандыру үшін;

3. ҚР азаматтары болып табылатын өтініш берушінің отбасымен немесе жақын туыстарымен қауышу үшін;

4. Жұмыс берушінің шақыруы бойынша;

Қандас мәртебесін қарастыру мерзімі 35 жұмыс күні.

Қандас мәртебесін ұзарту Азаматтарға арналған мемлекеттік корпорация немесе Жұмыспен қамту әлеуметтік басқармасына өтініш беру арқылы жүзеге асырылады.