Бүгін аудан әкімі Жандос Еркінбекұлы кезектілік тәртібіне сәйкес 9 аудан тұрғынын қабылдап, көкейде жүрген мәселелерін тыңдады.

Қабылдауда болған азаматтардың басым бөлігі тұрғын үй, жұмыспен қамту, табиғи газбен қамтамасыз ету, Тәжік, Ауған соғысы ардагерлеріне ескерткіш қою мәселелері бойынша сауалдар көтерді.

Аудан әкімі Тәжік, Ауған соғысы ардагерлеріне ескерткіш қою туралы өтініш негізінде жоба-сметалық құжаттамалар ұсынылғаннан кейін аудандық бюджеттен қаржы бөлдіру жұмыстарына ұсыныс жолданатынын жеткізді.

Айта кетейік, тұрғындар аудан әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша арыз тастау арқылы жазыла алады.

Қармақшы ауданы әкімінің баспасөз қызметі