Тұрғындар тілегін тыңдады

Аудан әкімі Жандос Еркінбекұлы қабылдауға жазылған аудан тұрғындарын кезектілік тәртібімен қабылдап, оларды толғандырған мәселелерін тыңдады.
Жеке қабылдауға келген 11 тұрғынның басым бөлігі тұрғын үй алу, жас мамандар жұмыспен қамту, асфальт және инфрақұрылым тарту мәселелерін көтерді.

Аудан басшысы азаматтар көтерген мәселелерді сала мамандарымен талдап, заң шеңберінде шешу қарастырылатындығын жеткізді.
Қабылдауда болған кент тұрғыны Жақыпов Отарбайдың көшеге асфальт төсеу ұсынысымен кент әкімшілігіне қиыршық тас төсеу жұмыстарын жүргізуді тапсырды. Тұрғынның нақты ұсынысы Ойнарбаев көшесіне асфальт төсеу жұмыстары бойынша 2024 жылы жоба-сметалық құжаттарын дайындап, асфальт төселетіндігін айтты.

Жандос Еркінбекұлы алдағы уақытта кент орталығындағы иесіз тұрған үйлерді мемлекетке қайтарып, жөндеу жүргізу және оны заң талаптарына сәйкес мұқтаж отбасыларына табыстау туралы тапсырмалар берді.

Аудан тұрғындары аудан әкімінің қабылдауына egov.порталы, е-otinish базасы арқылы немесе әкімдікке жазбаша өтініш тастау арқылы жазылатындығын ескертеміз.

©️Қармақшы ауданы әкімінің баспасөз қызметі