Қармақшы ауданы әкімі «Аманат» партиясының алаңында жеке қабылдау өткізді

qarmaqshy-tany.kz Бүгін аудан әкімі Жандос Еркінбекұлы бекітілген кестеге сәйкес "Аманат" партиясы алаңында аудан тұрғындарын қабылдау өткізді.

Қабылдауда болған тұрғындардың басым бөлігі жұмыспен және тұрғын үймен қамту мәселелерін алға тартты. Тұрғындардың өтініштері бойынша аудан басшысы тиісті сала мамандарына заң аясында орындауға тапсырмалар берді.

Көшеге асфальт төсеу және тротуар салып беру мәселесін көтерген кент тұрғыны Нәбиева Гулинастың сұранысы бойынша Бауыржан Момышұлы көшесін жөндеу жұмыстары ағымдағы жылдың жоспарында бар екендігі, жыл соңына дейін көшеге асфальт түсетіндігі айтылды.

Қармақшы ауданы әкімінің баспасөз қызметі