МЕНІҢ РЕСПУБЛИКАМ

Мерейімді өсірген елім,

Шекараң бар қадап қаққан.

Енші алғаның есімде менің

Оқшауланып одақтастан, Республикам!

Арындайды ғасыр ағынды,

Жыра мойнын өрге бұрып.

Жаярмысың жапырағыңды

Үкіленсе елдегі үміт – Республикам!

Көк туымның желбірегенін,

Келген деймін кемеліне.

Өрнектелген өндір өлеңім

Тартуым бұл тек өзіңе – Республикам!

Шығандаймыз неге шеткері,

Биігіміз – белесте екен.

Көркейетін келешектегі

Келбетіңді елестетем, Республикам!

Төл мереке Алашымдағы,

Жат көздерді жалт қаратқан.

Қарай берсін, қарасын бәрі

Жасқа сенім артқан Отан – Республикам!