Мектеп асханасындағы ыстық тамақ сапасына бақылау жүргізілуде
Жас ұрпақтың салауатты денсаулығын қалыптастыру үшін оқушылардың мектеп қабырғасында дұрыс, толыққанды тамақтануы маңызды.
Қазіргі таңда еліміздің барлық білім беру ұйымдарында оқушыларға ыстық тамақ беру үздіксіз ұйымдастырылып келеді.
Осы орайда балаларға берілетін ыстық тамақтың сапасына және оның құнарлылығына аса мән берілуі керектігі мақсатында Қармақшы ауданы бойынша білім бөлімінің тамақтану сапасын бақылау жөніндегі ведомствоаралық комиссия мүшелері аудан мектептерінде міндетті білім қорынан берілетін бір реттік ыстық тамақ барысын және асханадағы тамақтану сапасына мониторинг жұмыстарын жүргізуде.
Білім бөлімі басшысы Г. Абдазиева бастаған бақылау комиссиясы ас блогындағы, асханадағы жұмыстың ұйымдастырылуын, тамақ өнімдерінің сапасын, оларды тасымалдау, жеткізу, түсіру, сақтау шарттарының сақталуын және дайын тағам сапасын сонымен қатар басты талап негізінде асхана барысындағы санитарлық- эпидемиологиялық талаптардың сақталуына бақылау жүргізіп, қашанда балалардың тамақтану барысындағы қауіпсіздік шаралары үнемі басты назарда болуы керектігі ескертілуде.
Сондай ақ ведомствоаралық комиссия мүшелерінің зерделеу жұмыстары алдағы уақытта да өз жалғасын табатын болады.
