qarmaqshy-tany.kz Жас ұрпақтың салауатты денсаулығын қалыптастыру үшін оқушылардың мектеп қабырғасында дұрыс, толыққанды тамақтануы маңызды. Қазіргі таңда еліміздің барлық білім беру ұйымдарында оқушыларға ыстық тамақ беру үздіксіз ұйымдастырылып келеді. Балаларға берілетін ыстық тамақтың сапасына және оның құнарлылығына аса мән берілуі тиіс. Мектеп оқушыларына берілетін тамақтың сапалылығы, ыдыс - аяқтың тазылығы, санитарлық - эпидемиологиялық талаптардың сақталуы, азық - түліктің сапалы болуы үнемі назардан тыс қалмауы қажет.

Осы орайда, №26 орта мектеп асханасының талапқа сай жұмыс істеуін қадағалау мақсатында партияның аудандық филиалының жанынан құрылған партилық бақылау комиссия мүшелері мектеп асханасындағы барлық талаптардың орындалуы бойынша зерделеу жұмыстарын жүргізді. Зерделеу барысында бір күнгі мектеп басшысы бекіткен тамақтың ас мәзірі таныстырылды.

Беріліп жатқан тағам мөлшері өлшеніп, тағамның сапасы тескерілді.

Бір күндік сынамалар талапқа сай сақталған.

Келіп түскен тамақ өнімдерінің жарамдылық мерзімі сертификатпен салыстырылып қаралды.

Тағамдардың дайындалу технологиясы, тоңазытқыш-технологиялық жабдықтардың жарамдылығы, қоймадағы азық-түліктің сақталуы тексерілді.

Қолданылатын ыдыс -аяқтың талаптарға сәйкес, болуы қаралды.