Партиялық бақылау тобы рейдке шықты

«Нұр Отан» партиясы Қармақшы аудандық филиалының «Мектеп асханалары», «Кедергісіз келешек» партиялық жобалары аясында Білім беру мекемелерінде әлеуметтік аз қамтылған отбасы балаларына көрсетілетін көмектің (ыстық тамақтың) берілуіне қоғамдық бақылау жүргізу мақсатында «Нұр Отан» партиясы Қармақшы аудандық филиалының партиялық бақылау тобы мүшелері рейд ұйымдастырды. Шараға «Нұр Отан» партиясы Қармақшы аудандық филиалы төрағасының бірінші орынбасары Буханов Дастан Әбдібекұлы, аудандық мәлихат депутаттары Үсенов Алтай, Раева Күлжауһар Төлегенқызы, аудандық білім бөлімінің жетекші маманы Сарымсақов Нұрхан Ұзақбайұлы, партия белсенділері мен БАҚ өкілдері қатысты. Рейд барысында Жосалы кенті орталығындағы №183, №30, №26, №121 мектептерде болып, әлеуметтік аз қамтылған отбасы балаларына көрсетілетін көмектің (ыстық тамақтың) берілуі жағдайымен танысып, ұсыныс пікірлерін білдірді.