Ұлт қамын ойлаған ұтымды шешім
qarmaqshy-tany.kz Кеше 1 қыркүйек Білім күнімен тұспа-тұс келген «Әділетті Қазақстанның экономикалық бағдары» атты Мемлекет басшысы Қасым-Жомарт Тоқаевтың Қазақстан халқына Жолдауын тыңдап, көрдік. Президентіміз халық көкейіндегі әрбір мәселені жете зерделеп, жер-жердегі, сан саладағы жағдайларды саралап барып, алдағы атқарылар міндеттерді халыққа жария етті.
Жолдауда тіршілік көзінің түйіткіліне тоқталған Президент сырттан келетін судың азайып бара жатқандығын мәлімдеді. Жанжақты ойластырылған су саясатын жүргізу, трансшекаралық суларды пайдалану мәселелерін шешу – Үкіметтің алдында тұрған аса маңызды міндеттер екенін алға тартты. Сонымен қатар, елімізде Су ресурстары және ирригация министрлігі құрылатынын айтты. Бұл ұлт қамын ойлаған ұтымды шешім болды деп ойлаймын.
Шоқан ҰЗАҚОВ,
"Қармақшысушар" өндірістік учаске басшысы
