Ауданда жаңа нысан бой көтермек
qarmaqshy-tany.kz Жеке кәсіпкер Балғабаева Рабиға Жайбергенқызы Жосалы кенті орталығында орналасқан сауда үйін заманауи талаптарға сай етіп, қайта жаңа үлгідегі екі қабатты, аудан тұрғындары мен қонақтарына қолайлы, үлкен ғимарат құрылысын бастау алды, бүгінде «Мағжан» кафесінің сүрілу жұмыстары жүргізілуде.
Жоба құны 100,0 млн теңгені құрайды. Қазіргі уақытта, кәсіпкерлік, өнеркәсіп және туризм бөлімінің тарапынан сүйемелдеу жасалып, «2021-2022 жылдарға арналған кәсіпкерлікті дамыту жөніндегі ұлттық жоба» шеңберінде несие сыйақысының бір бөлігін субсидиялау бойынша 35,0 млн теңгеге екінші деңгейлі банктен несиелендіруге құжаттары мақұлданды. Қалған қаражатты жеке қаржысымен толықтаратын болады. 2023 жылдың аяғына дейін жаңа үлгідегі «Мағжан» сауда үйі іске қосылып, 20 адам жұмыспен қамтылады деп жоспарлануда.
