«Қазақстанның 100 жаңа есімі» жобасының жеңімпаздары елорда жастарымен кездесті. Олар жетістікке жету жолдарының қыр-сырымен бөлісіп, көпшілікті қызықтырған сұрақтарға жауап берді. Жиын барысында жастар арасында кітап оқуға деген ниетті арттыру мәселесі басты назарға алынды. Ол үшін арнайы буксроссинг флешмобы өтті. Қатысушылар кездесуге сүйікті оқулықтарын алып келіп, өзара алмасты. Сондай-ақ кітапхана саласында енгізіліп жатқан жаңашылдықтар да талқыланды. Нұржан Жолдыбалинов, ҚР Ұлттық академиялық кітапхана бас директорының міндетін атқарушы: – «Рухани жаңғыру» аясында цифрлық Қазақстан бағдарламасы бар. Сол арқылы біз қазір кітапханашылардың деңгейін осы IT жағынан көрсетіп, үйретіп, қалай жұмыс істеу керек екендігі, қалай ұлттық электрондық кітапхананы толтыру керектігі тұрғысынан жұмыс жасап жатырмыз.