Жаздың қызықты бір күні

Аудандық оқушылар үйінде «Жас толқын» аулалық клубының ұйымдастыруымен жазғы демалыс өте көңілді өтуде. Балалар күн сайын түрлі іс-шараларға қатысып, жақсы демалуда. Атап айтқанда, бейсенбі күні «Жаздың қызықты бір күні» тақырыбында «Бес арал» сайысы, «Үздік шабуылшы» футбол жарысы және фото байқау болып өтті. «Бес арал» сайысына қатысушы командалар«Маска», «Балықшылар», «Өрмекші», «Мергендер», «Тик-ток» аралдарында берілген тапсырмаларды орындап, жиналған ұпайлары арқылы жүлделі орындар мен номинациялармен марапатталды. Фото байқауға қатысушы оқушылар өздерінің жазғы демалысындағы фотосуреттерін тамашалап, ең үздік фото иесіне өзінің суреті мен диплом табысталды. «Үздік шабуылшы» тақырыбында ұйымдастырылған футбол сайысына қатысқанәр командаға алғыс хат пен дипломдар табысталды. Сонымен қатар үздік аяқ доп шеберлері «Үздік шабуылшы», «Үздік қақпашы», «Үздік қорғаушы» номинацияларымен марапатталды. Аталмыш іс-шараларға барлық аулалық клубтардын  100-ге жуық оқушы қастысып, қызықты іс-шараның соңы тик-ток биімен аяқталды. Шара соңында қатысушыларға балмұздақ таратылып, балалар көтеріңкі көңіл-күймен тарқасты.
Марал АЙМАХАНОВА,
аудандық оқушылар үйінің
бұқаралық- ұйымдастыру
бөлімінің жетекшісі