Форумда «AMANAT» партиясының Төрағасы Ерлан Қошанов өз сөзінде Президент Қасым-Жомарт Тоқаевтың Ұлттық құрылтайда ұсынған «Әділетті Қазақстан мен Адал азамат» концепциясына ерекше назар аударды.

Форумда еліміздің ғана емес, әрбір өңірдегі елеулі мәселер көтеріліп, талқыланды. Партия төрағасының айтқандай, осындай форумды расымен жиі өткізіп тұру керек. Себебі, осы жиынның өзіне келген екі жарым мың делегат екі жарым мың елдің аманатын арқалап келді. Сондықтан форум жыл сайын өтетін болса, өз нәтижесін берері сөзсіз.

Еліміздің өркендеуі мен халықтың әл ауқатын көтеруге форумда айтылған партиялық жобалар мен мемлекеттік бағдарламалдың жүзеге асырылуына көптеген күш жұмсалу қажет. Осы жолда «AMANAT» партиясы барлық игі істердің алғы шебінде жүруі тиіс, ал жергілікті билік органдарымен бірлесе отырып жұмыстар жүргізілсе, онда мәселе шешімін табары сөзсіз.

Ендігі кезекте өзекті мәселелердің орындалуын қадағалап, тиісті жұмыстар жүргізу біздің міндетіміз.