Бірлестік мүшелері марапатталды
qarmaqshy-tany.kz Аудандық ардагерлер үйінде 1945 жылдың 9 маусымында Кеңестер Одағы үкіметі мен Германия, Чехословакия, Польша, Болгария, Венгрия мемлекеттерімен қолдау тапқан мемлекетаралық жан-жақты қолдаудағы Варшава келісім-шарты аясында құрылған «Германиядағы кеңес әскерінің тобы, Варшава келісім-шарты әскерінің тобы ардагерлері» республикалық қоғамдық бірлестігінің аудандық филиалының ұйымдастыруымен мерекелік шара өтті.
Бірлестік төрағасы Арзабек Оразалиевтің іс-шараның өткізілу мақсатымен таныстыруымен ашылған салтанатты шарада аудандық ардагерлер кеңесінің төрағасы Асқар Мереков қатысушыларды құттықтап, ыстық ықыласын білдірді.
Содан соң бірлестік мүшелері Жақсылық Арыстанбаев, Сағат Қосназаров, Самат Бұлақбаев, Аманкелді Жазықбаев, Бекболат Мәденов, Ғалымжан Досниязов, Болатбек Саржановтарға республикалық бірлестіктің Құрмет грамоталары мен Алғыс хаттары табысталса, Мирамбек Өмірзақовқа «Жауынгер – интернационалист» медалі тапсырылды.
Нұрбай ЖАНӘДІЛОВ
