Бүгін аудан әкімі Жандос Еркінбек ІІІ Интернационал, Жаңажол ауылы тұрғындарымен кездесті. Кездесулерде аудан басшысы аудан бойынша атқарылып жатырған ауқымды жұмыстар мен алдағы міндеттер туралы баяндап, тұрғындардың талап-тілектерін тыңдады.Биыл қос елдіменкенде де Ауыл – Ел бесігі» жобасы аясында жаңа спорт кешендері салынбақ. Бұл өз кезегінде бұқаралық спорттың дамуына және ауыл жастарының бос уақытын тиімді әрі мазмұнды өткізуіне септігін тигізеді.

Сондай-ақ, қазіргі уақытта ІІІ Интернационал ауылында Астана көшесіне орташа жөндеу, Жаңажол ауылында 5 көшесінің жарықтандыру жұмыстары жүргізілуде.

Сонымен қатар, ағымдағы жылы Жаңажол ауылында дәрігерлік амбулаторияның құрылысына республикалық бюджеттен қаржы бөлініп, тиісті жұмыстар атқарылуда.

Кездесу соңында аудан әкімі тұрғындар тарапынан қойылған ұсыныс-пікірлерді тыңдап, алдағы уақытта Заң шеңберінде жұмыстар жүргізілетінін және үнемі назарда болатынын жеткізді.

Аудан басшысы халықпен кездесулер аясында «Жастар басталмаларын қолдау» әлеуметтік жобасы аясында іске асырылған үйірмелердің жұмысымен танысты.