Қармақшыда Саяси қуғын-сүргін құрбандарына арналған ескерткіш ашылды
qarmaqshy-tany.kz Бүгін 31 мамыр Саяси қуғын-сүргін және ашаршылық құрбандарын еске алу күніне орай ауданда қуғын-сүргін құрбандарына арналған ескерткіштің ашылу салтанаты өтті.
Ашылу рәсімінде аудан әкімі Жандос Еркінбек сөз сөйлеп, бүгінгі атаулы күннің мәні мен маңызына тоқталды.
Сондай-ақ игілікті істі қолға алып, халқымыздың тарихындағы қасіретті кезеңде жазықсыз жазаланған азаматтардың есімін тарих жадында мәңгі есте қалдыру мақсатында арнайы ескерткіштің орнатылуына үлес қосқан азаматтарға алғысын жеткізді.
Сонымен бірге тағылымы мол іс-шараға аранайы келген Мемлекет және қоғам қайраткері Еламанов Бекмырза Қайыпұлы және Қармақшы ауданының Құрметті азаматтары Молдабек Меңлібайұлы мен Ясин Мәлікұлы ізгі лебіздерін білдіріп, естеліктерімен бөлісті.
Одан соң Саяси қуғын-сүргіннің құрбандары болған бабалар рухына құран бағышталып, Қармақшы елінің жұртшылығы атынан тағзым гүлі қойылды.
