Асыл қазына

qarmaqshy-tany.kz ІІІ Интернационал ауылдық кітапханасының «Coworking» орталығында этнос өкілдері арасында «Тілге құрмет – елге құрмет» тақырыбында аудандық байқау өткізілді. Басты мақсаты – қазақ тілі мәртебесін көтеру, қазақ тілін сүю, қадірлеу, тілді құрметтеу.

Байқауға орта сыныптан 17 оқушы қатысты. Олар ақын-жазушылардың тіл туралы өлеңдерін нақышына келтіріп жатқа айтудан өзара жарысты. Оған ауылдық мәдениет үйінің директоры Т.Асылбеков және ауылдық округ маманы Д.Тельманов қазылық етті.

Нәтижесінде бас жүлдені 7 сынып оқушысы Валерия Ким иеленсе, І орынды 8 сынып оқушысы Филиз Алладинова, ІІ орынды 8 сынып оқушысы Элиф Ферманова, ІІІ орынды 7 сынып оқушысы Мелек Аштарова жеңіп алды. Жеңімпаздарға аудандық орталықтандырылған кітапханалар жүйесінің директоры К.Қаниеваның алғыс хаты мен аудандық мәдениет және спорт бөлімінің демеушілігімен сыйлықтар табысталды.