Интернационал ауылында тіл мәртебесін көтеруге арналған байқау өтті

qarmaqshy-tany.kz Қармақшы ауданы ІІІ Интернационал ауылдық кітапханасының КОВОРКИНГ орталығында этнос өкілдері арасында «Тілге құрмет - елге құрмет» атты тақырыбында аудандық байқау өтті.

Байқаудың мақсаты қазақ тілі мәртебесін көтеру, қазақ тілін сүю, қадірлеу, тілді құрметтеу болып табылады. Оған 5, 6, 7, 8 сыныптарынан 17 оқушы қатысты. Олар ақын-жазушылардың тіл туралы өлеңдерін нақышына келтіріп жатқа айтып, өзара жарысты.

Нәтижесінде әділ қазылар алқасы, мәдениет үйінің директоры Т.Асылбеков және ауылдық округі маманы Д.Тельмановтың шешімімен Қармақшы аудандық орталықтандырылған кітапханалар жүйесінің директоры К.Қаниева Бөгенбайқызының Алғыс хаты және Қармақшы аудандық мәдениет және спорт бөлімінің демеушілігімен сый-сияпаттарға ие болды. Бас жүлдені 7 сынып оқушысы Валерия Ким, бірінші орынды 8 сынып оқушысы Филиз Алладинова, екінші орынды Элиф Ферманова, үшінші орынды 7 сынып оқушысы Мелек Аштарова иеленді.

барлық қатысушылар да Алғыс хатпен марапатталып және сый-сияпатқа ие болды.