Есеп беру жиынында ол өткен және биылғы жылдың І тоқсанындағы өңір бойынша қылмыстың және қандай да бір құқық бұзушылықтың алдын алу, жолын кесу бағытында атқарылған жұмыстарды баяндады.

Оның ішінде, Төретам кенті және Ақай ауылдық округінде криминогендік ахуал бойынша өткен жылы және осы жылдың І тоқсаны бойынша Байқоңыр қаласы, Төретам кенті, Ақай елді мекенінде жекелеген қылмыс түрінің және жол-көлік оқиғасының алдын алуда ұйымдастырылған жедел профилактикалық іс-шаралар және оның нәтижесі жайлы әңгімеледі.

Есепті кездесуде ҚР ІІМ Байқоңыр қаласындағы Өкілдігінің бастығы Мемлекет басшысы Қасым-Жомарт Тоқаевтың «Халық үніне құлақ асатын мемлекет» тұжырымдамасын негізге ала отырып, тұрғындар тарапынан қойылған бірқатар сұраққа тұшымды жауап берді. Сонымен қатар, жиында жергілікті атқарушы органдарға алдағы уақытта бірлесіп атқаратын жұмыстар бойынша ұсынысын жеткізді.