qarmaqshy-tany.kz "Атадан мал қалғанша, тал қалсын" деген сөз бар. Расымен де саялы ағаш егіп, балаға мирас болатын бұл дәстүр өз өміршеңдігін жойған емес. Жыл сайын жаңадан ағаш отырғызу жұмыстары күз мезгілінде басталып, қара күзге дейін жалғасады.

Осы орайда аудандық "Аналар", "Әйелдер" қоғамдық кеңесінің ұйымдастыруымен дəстүрлерді жалғастыруда,бала тәрбиесінде,отбасы құндылықтарын сақтауда, ұрпаққа өнеге болуда және асыл қазынамызды терең білуге, құрметтеуге, үйретуге, өнегелі істі ұрпаққа жалғастыруға бағытталған осындай келелі бір шара ауданымызда жаңадан ашылып жатқан 284-Мамандандырылған мектеп-лицей-интернатының ауласына "Ағаш отырғызу" акциясымен жалғасты.

"Ағаш отырғызу" акциясына аудандық білім бөлімінің басшысы Абдазиева Гүлзира Мажитқызы арнайы барып, ауданның ардақты ардагер аналары, ауданның, ауылдық округтердің әйел-аналар кеңесі төрайымдарымен бірге шараға атсалысып, болашақ ұрпаққа сая болатын ағаш көшеттерін отырғызды.