Ата-ана қоғамның белсенді тұлғасы

qarmaqshy-tany.kz Жуырда кенттегі О.Шораяқұлы атындағы №30 орта мектепте бастауыш әдіс бірлестігі апталығының жоспарына сәйкес бастауыш сынып мұғалімі Алтынай Ермашованың ұйымдастыруымен «Ананың кеңесі – даналық кемесі» атты ата-аналармен жиын өткізілді.

Іс-шараға 3 сынып оқушыларының ата-аналары қатысып, түрлі тапсырма бойынша, яғни «Екі шындық, бір өтірік», «Адам өз өмірінің суретшісі», «Ең әдемі көздер», «Ыстық картоп», «Менің отбасым» атты кедергілерден өтіп, өздерінің белсенділіктерін көрсетті.

Отбасы мен мектептің байланысы маңызды болып отыр. Өйткені, әр оқушы тұлға болып қалыптасуы, өскелең ұрпақтың дамуы мен тәрбиесі көп жағдайда мектеп пен отбасының ынтымағына байланысты. Шара соңында ата-аналар ризашылықтарын білдіріп, пікірлерін ортаға салды.