«Мен мақсатты арманыма қол жеткіздім. Мемлекет басшысының жастар саясатын қолдауда, олардың білім алып, қалаған мамандығы бойынша жұмыспен қамтылуында елімізде көптеген іргелі істер жүзеге асырылуда. Мен Президентіміз бен Үкіметіміздің осындай қолдауына ие болғанның бірімін. Мемлекеттің көмегімен жетістікке қол жеткізген, ерінбей еткен еңбектің арқасында мен сияқты жастар бүгінде кәсібінен нәсіп тауып отырған жайы бар. Алла қаласа алдағы уақытта мен тағы да кәсібімді кеңейтіп, ауыл тұрғындарына сапалы қызмет көрсетсем деген ойым бар. Кәсіп қылған адам қашанда жетістікке, мақсатына жетеді. Оны көзімізбен көріп келеміз. Бұл заман жастардың қоғамнан өз орнын сайлап алып, болашақ қазақ елінің өсіп-өркендеуіне жұмыс жасайтын заман. Сондықтан замандастарыма ерінбей еңбек етіп, кәсібімен ел дамуына үлес қосса екен деген тілектемін. Биыл Мемлекет басшысы ауылдарды дамытуға Үкіметке тапсырмалар берді. Соған сай ауылдың дамуына байланысты мемлекеттік бағдарламалар өндіріске енуде. Солардың бірі – «Ауыл аманаты» бағдарламасы. Бұл бағдарламаның мақсаты 2,5 пайыздық несие беру арқылы ауылда кәсіпкерлікті дамыту, жастарды жұмыспен қамту болып табылады. Осы ретте, мен де осы бағдарлама арқылы несие алып, кәсібімді кеңейткім келеді», – деді Ақшолпан.