"Кең ауқымды толықтыра иммундау!"

qarmaqshy-tany.kz "Дені сау ұлт" ұлттық жобасын тиімді іске асыру шеңберінде вакцинамен басқарылатын жұқпалы аурулардың алдын алу мақсатында 2023 жылдың 24-30 сәуір аралығында "Кең ауқымды толықтыра иммундау!" ұранымен Дүниежүзілік иммундау апталығы өткізілуде.

Вакциналау-денсаулық сақтаудың ең үлкен жетістіктерінің бірі.

Ол бүкіл әлемде инфекциялармен күресудің ең тиімді, үнемді және қолжетімді құралы ретінде танылды.

Иммундау- бұл өзінің тиімділігін дәлелдеген, денсаулық сақтаудың үнемді шарасы, миллиондаған балалардың өмірін сақтайды және миллиондаған адамдарды аурулар мен мүгедектіктен қорғайды.

Осы апталық аясында Қармақшы Ш.Уәлиханов Орта Мектебінде 7-сынып оқушыларымен кездесу өтті. Кездесу барысында аудандық СӨСҚ маманы,ЖДО мамандары оқушыларга осы ақпараттар және екпенің маңызы жөнінде түсіндірме жұмыстарын жасады. Бейнероликтер көрсетілді. АТМдар таратылып, тренингтер жасалды.