Гарри Поттер туралы жаңа сериал түсірілуі мүмкін
Фото: Warner Bros.Warner Bros. Discovery (WBD) Гарри Поттер туралы танымал сериалды жаңа актерлік құраммен қайта түсіру мүмкіндігін қарастырып жатыр. Бұл туралы ҚазАқпарат Еuronews-ке сілтеме жасап хабарлайды.
WBD қазір HBO Max үшін Дж.К.Роулинг кітаптар сериясының жаңа 7 маусымдық телевизиялық адаптациясын жасау туралы келіссөз жүргізіп жатыр.
Сериалдың әр маусымы Роулингтің Гарри Поттер туралы жеті кітабының біреуіне негізделеді.
Келіссөздер әзірге алдын ала сатыда. Роулингтің жобаға қатысуға келісім бергені туралы ешқандай жаңалық жоқ. «Сериал түпнұсқаға сәйкес келуі үшін» автордың қатысуы қажет.
