Әлем чемпионатына жолдама алды

qarmaqshy-tany.kz Жуырда Алматы қаласында таэквондодан кіші жасөспірімдер арасында Әлем чемпионатына іріктеу жарысы өткен-ді.

Оған еліміздің барлық аймағынан осы дүбірлі жарыста бағын сынауға келген үздік спортшылармен бірге біздің жерлестеріміз, олимпиадалық резервтің мамандандырылған аудандық №15 балалар мен жасөспірімдер мектебінің жаттықтырушысы Ақан Ибрашовтың үкілеген шәкірттері де қатысты.

Тартысты өткен жарыс қорытындысымен жерлестеріміз Еркебұлан Мұратов, Зарифа Зәкір, Диана Жиенеевалар маусым айының соңында Мексиканың Масатлан қаласында өтетін Әлем чемпионатына жолдама жеңіп алды.

Нұрбай ӘБІЛАХАТҰЛЫ