Егіс алқаптарын аралады

qarmaqshy-tany.kz Аудан әкімінің орынбасары Жұлдызхан Байназарұлы аудандағы егіс алқаптарын аралап, жұмыстарымен танысты.

Алдымен аудан әкімінің орынбасары «Ақжар» шаруа қожалығына барып, көктемгі егіс жұмыстарының барысын көрді. Егістік басында шаруашылықтың бүгінгі күндегі хал-ахуалы туралы серіктестіктің төрағасы Нұрлан Қомшабаев толық баяндап өтті.

Одан соң, Ақтөбе ауылдық округіндегі «Қармақшы Құс» ЖШС-нің жұмыс барысмен танысып, құс фабрикасын қысқа мерзім ішінде іске қосу, өнім шығару және сату бағытындағы шараларды қабылдау жөніндегі ұсыныстарын жеткізді.

Сонымен қатар, жұмыс сапары барысында Жаңажол ауылдық округіндегі ерекше күтімге алынған алма бағының жұмысын бағамдап, егін шаруашылығы жақсы жолға қойылған «Жаңажол» ЖШС еңбеккерлерімен кездесті.

Кездесу барысында ауыл шаруашылығы алқаптарын тиімді пайдаланудың маңыздылығына тоқталып, мемлекет тарапынан агроөнеркәсіп кешенін өркендетуге баса мән беріліп отырғанын айтты.

Серіктестік төрағасы Орынбасар Төлепов өз кезегінде шаруашылықтың келешегі туралы ойларын жеткізіп, көктемгі егіс жұмыстарының барысын баяндады.

Сондай-ақ, шаруашылықтар тарапынан халыққа бақшаға жер ашу мәселесі айтылды.