Қазақстанда "7-20-25" бағдарламасымен ипотека алу үшін басыңызда баспана болмауы керек. Ұлттық банк төрағасы аталмыш бағдарламамен қалай пәтер алу керектігін түсіндірді деп хабарлайды КТК арнасы.

Данияр Ақышев үй алғысы келетіндердің жоғары жалақысы болуы керектігін алға тартты. Үйлі болуы үшін адамдар төрт шартты орындауы тиіс екен.
Біріншіден, азаматтардың басында басқа баспанасы болмауы керек. Сонымен қатар ипотеканы тоқтатпай төлеу үшін тұрақты жұмысы, жоғары жалақысы болуы да шарт. Егер осы талаптар орындалмаса тұрғындар "7-20-25" бағдарламасына қатыса алмайды.
Мәселен, құны 12 миллион теңге тұратын пәтерді сатып алғыңыз келсе, алдымен үй бағасының 20 пайызы, яғни 2 миллион 400 мың теңгені төлейсіз.
Қалған 9 миллион 600 мың теңгені банк жеті пайызбен 25 жылға несиеге береді. Сонда ай сайынғы төлеміңіз 68 мың теңгенің төңірегінде болмақ. Яғни, жалақыңыз шамамен 130 мың теңге болуы тиіс.