«7-20-25» ипотекалық бағдарламасы мамырда қабылданады
«7-20-25» ипотекалық бағдарламасына 2018 жылдың мамырынан бастап Қазақстанның тұрақты табысы бар барлық азаматы қатыса алады. Бұл туралы Ұлттық банк төрағасы Данияр Ақышев мәлімдеді.
Жаңа бағдарламаға сәйкес, несие өсімінің мөлшерлемесі жылына – 7 пайыздан, бастапқы жарнасы – 20 аспайды аспайды. Ал несие мерзімі – 25 жыл.
«Ипотекалық бағдарлама жаңа тұрғын үйлерге есептелген. Болашақта бағдарламаға екінші деңгейлі тұрғын үйлерді де енгізу мүмкіндігі қаралмақ. Әр облыста баспана бағасы әртүрлі болғандықтан, ипотекалық қарыздың максималды мөлшері өңірге байланысты сараланады», - деді Данияр Ақышев.
Ұлттық банк төрағасының айтуынша, бағдарламаға сәйкес ипотекалық тұрғын үй қарызы тек теңгемен беріледі. Ал банктер ипотекалық займды алу және қызмет көрсету кезінде ешқандай комиссия алмайды.
Айта кетейік, 2018 жылдың 5 наурызында Қазақстан Президенті Нұрсұлтан Назарбаевтың «Президенттің бес әлеуметтік бастамасы» атты халыққа үндеуі жарияланды. Ондағы «7-20-25» бағдарламасын Елбасы қазақстандықтардың баспана алу мүмкіндіктерін кеңейту үшін жасалғанын айтып өткен.
Пікір 1