qarmaqshy-tany.kz Саяси науқан тек Қазақстанда ғана емес, сонымен қатар шетелде білімін жетілдіріп жатқан отандастарымыз үшін де зор маңызға ие. Сол айтқандай, халықаралық, республикалық байқаулардың лауреаты, жерлесіміз, жыраулық өнердің жас өркені, Сыр сүлейлерінің заңды жалғасы болып отырған жырау Бидас Рүстембеков пен аудандық Жыраулар үйінің директоры Айгерім Ешбаеваның шәкірті Малика Алдамжарова да өз таңдауын жасап, дауыс берді.

Бұған дейін өнер иесі Қорқыт ата атындағы Қызылорда университетінің "Дәстүрлі өнер " факультетінде білім алса, бүгінде сол білімін жетілдіре түсуде Түркия Мемлекетінің Анкара қаласында магистратурада оқуда.

Елімізде өтіп жатқан Қазақстан Республикасы Мәжілісі мен облыстық, аудандық деңгейлердегі мәслихат депутаттарын сайлауына сонау Түркия төрінен белсенділігін танытып, Өз үнін қосып отырған жерлесіміз "Сайлауға дауыс беру - келешекке деген жанашырлық" деп есептейді.