Басқарма басшысы белсенді ұстаздармен кездесті

qarmaqshy-tany.kz М.Ықсанов атындағы политехникалық колледжінің базасында Қызылорда Облысының Білім Басқармасының басшысы М.Шермағанбетовтың қатысуымен әлеуметтік желіні белсенді пайдаланушы, өз саласында жоғары жетістіктерге жетіп жүрген мектеп директорлары, мектеп директорларының орынбасарлары мен ұстаздармен мерекелік кездесу болып өтті. Шараның алғы сөзінде басқарма басшысы Мейрамбек Зинабдинұлы басқармаға қарасты мектепке дейінгі, орта білім беру, техникалық және кәсіптік білім беру жұмысын жүйелі ұйымдастыру жөніндегі атқарылып жатқан жұмыстарға тоқталып, алдағы жоспарланған ауқымды істерді тілге тиек етті. Басқармаға қарасты білім беру нысандарында тәрбие жұмыстары, оқуға құштар ұрпақ тәрбиелеудегі ілкімді істер бағытында ойлар ортаға түскен кездесуде айдынды Аралдан, қарт Қаратауға дейінгі аймақтан жиынған педагогтер сан салалы саладағы маңызды мәселелерді басқарма басшысының назарына ұсынды. Шара соңында белсенді ұстаздар басқарма басшысының алғыс хатымен марапатталды.

P. S. Көтерілген мәселелер мен сауалдар жөнінде толығырақ жазылады.