Семинар-практикум өткізілді
2021 жылғы 13 қазан күні Қармақшы ауданы бойынша білім бөліміне қарасты Дүр Оңғар ауылындағы №107 орта мектеп базасында «Білім беру мекемелеріндегі қамқоршылық кеңесті ұйымдастыру мен сайлау тәртібінің өзекті мәселелері» тақырыбында семинар-практикум өткізілді. Семинарда Қызылорда облысының Білім беру саласында сапаны қамтамасыз ету департаментінің білім сапасын сырттай бағалау бөлімінің бас маманы Акимтаев Галымжан Тапашович қатысушы жауапты мамандарға білім беру мекемелеріндегі қамқоршылық кеңесті ұйымдастыру мен сайлау тәртібі туралы түсіндірме жұмыстарын жүргізді. Шара барысында №106, №107, №108, №109, №199 мектептердің тәрбие ісі жөніндегі орынбасарлары өзара пікір алмасып, ойларын ортаға салды.
