Аудан аумағынан сең жүре бастады

qarmaqshy-tany.kz Сырдария өзенінен үлкен көлемде су өтуіне байланысты аудандағы барлық қорғаныс бөгеттерінде Жосалы кенті мен Ақтөбе ауылдық округі әкімі аппаратының қызметкерлері бүгінгі мерекеге қарамастан, үзіліссіз тәулік бойы бақылау жұмыстарын жүргізуде.
Қазіргі таңда, Қызылтам елдімекені маңындағы су деңгейі 1 метрге дейін түссе, Жалағаш ауданымен шекаралас жерде 30 см-ге, Жаңажол мен Иіркөл ауылдық округтерінің аралығында 14 см-ге дейін түскен.
Елдімекендерге ешқандай қауіп жоқ. Аудан аумағынан сең толық жүріп өткенге дейін кезекшіліктер жалғасып, тұрақты түрде бақылау жұмыстары жүргізілетін болады.