Полиция бөлімі әйелдер қауымын құттықтады
qarmaqshy-tany.kz Қармақшы ауданы Полиция бөлімі әйелдер қауымын құттықтады. Бүгін, Қармақшы ауданы Полиция бөлімінің басшылық құрамы бастамасымен «8-наурыз Халықаралық әйелдер күні» мерекесіне орай бөлімнің ардагерлері мен погонды аруларын құттықтау іс-шарасын ұйымдастырды.
Бүгінгі таңда, ерлермен иық тіресе жүріп, жауапты күрделі салада қыз-келіншектер абыройлы қызмет етуде. Әйел бір қолымен бесік, бір қолымен әлем тербеген. Сондықтан ардақтыларымыздың ұрпақ тәрбиесі, ел тыныштығы жолында жауапкершілік жүгін арқалап келе жатқан әйелдер қауымы әрқашан қандай құрметке болсын лайықты.
Осыған байланысты, бөлімнің ардагерлеріне және қыз-келіншектеріне Қызылорда ОПД-мен, бөлім басшылығымен марапаттар табысталды.
Іс-шара барысында бөлімнің ардагерлері мен қыз-келіншектеріне раушан гүлдері мен арнайы дайындалған сыйлықтары таратылып, әсем әнмен көтеріңкі көңіл күй сыйлады.
