qarmaqshy-tany.kz Жаңа жыл мерекесіне орай, 2022 жылдың 30 желтоқсанда Қармақшы ауданы Полиция бөлімінің бастығы полиция полковнигі Б.Жаркинбаевтың бастамасымен іс-шара болып өтті.

Ісшара барысында аудандық полиция бөлімі ардагерлер кеңесінің төрағасы Есет Камаладинұлына аудан әкімінің құттықтау хатын табыстады.

Сонымен қатар, аудан тұрғыны Керейтбаева Раушан Шакиқызына және ішкі істер органдарының ардагерлері Сағындық Жұмабайұлына, Жарылқасын Маратұлына әлеуметтік желідегі жарияланған әрбір шығарылымға өз тараптарынан ерекше көңіл аударып, өздерінің ой-пікірлерін білдіріп, белсенділік танытқандары үшін алғыс білдіріп, оларға Қызылорда облысы Полиция департаментінің Ардагерлер кеңесінің төрағасы С.Тұңғышбайдың атынан алғыс хаттар мен жаңа жылдың сыйлықтар табысталды.

Іс-шара соңында полиция полковнигі Б.Жаркинбаев қонақтарды жаңа жылдарымен құттықтай отырып, отбастарына береке-бірлік, дендеріне саулық, еңбектеріне мол табыс тіледі.

Қармақшы ауданы Полиция бөлімі.