Қармақшы ауданының Полиция бөлімі кәсіби төл мерекелерін атап өтті. Полиция органдары – мемлекеттік биліктің қоғамда құқық тәртібін, азаматтардың қауіпсіздігін қамтамасыз ететін маңызды құрылымдарының бірі. Сақшылардың кәсіби қызметі зор жауапкершілігімен, тәуекелге бел бууымен ерекше құнды.
Қармақшы ауданы Полиция бөлімінде «23-маусым Полиция күні» мерекесіне орай іс-шара болып өтті.
Қазақстан полициясының 30 жылдығы қарсаңында нәтижелі көрсеткіштерге қол жеткізген полиция қызметкерлерін марапаттады.
Қазақстан Республикасы ІІМ-нің бұйрығымен 1 қызметкер марапатталып, «Қазақстан полициясына 30 жыл» омыраулық төс белгісімен 7 қызметкер наградталса, Қызылорда облысы Полиция департаментінің бұйрығымен 4 қызметкер, бөлім бастығының бұйрығымен 8 қызметкер марапатталды.
Іс-шара барысында бөлім бастығы полиция полковнигі Бахытбек Зейнуллаевич ішкі істер органдарының ардагерлері мен жеке құрамды кәсіби төл мерекелерімен құттықтап, ыстық лебізін білдірді.
Сонымен қатар сала ардагерлері Ермұратов Мирамбек Әбдібекұлы «Қазақстан полициясына 30 жыл» омыраулық төс белгісімен наградталса, 4 ардагер Қызылорда облысы Полиция департаментінің грамоталарымен марапатталды.
Ардагерлер өз кезегінде полиция қызметкерлерінің еңбектеріне толағай табыс, қызметтеріне сәттілік пен абырой тілеп, өз ризашылықтарын білдірді.