ІІІ Интернационалда халықаралық әйелдер күні аталып өтті

qarmaqshy-tany.kz Ауылдық мәдениет үйінде 8 - наурыз Халықаралық әйелдер күні мерекесіне орай "Ана деген әлемнің тең жарығы" атты салтанатты жиын өтті.

Мерекелік шарада ауылдық округ әкімі Нұрлыбек Сайымов: «Бәріміз асыға күтетін көктемнің алғашқы мерекесі табалдырығымыздан аттады. Бұл мейрам жүрекке жан жылулығын сыйлайтын ең ізгі, ең шуақты мереке. Өйткені, бұл күн - ардақты аналарымыз бен аяулы қыздарымыздың, жаны жайсаң жеңгелеріміз бен инабатты келіндеріміздің қуанышы. Баршаңызды 8 наурыз – Халықаралық әйелдер күнімен шын жүректен құттықтаймын» - деп, бір топ ардагерлер мен еңбек озаттарына аудан әкімінің алғыс хаттарын тапсырды.

Мерейлі мерекеде «Достық Жер МК» ЖШС-і директоры Б.Набиев пен ауыл ардагерлер кеңесінің төрағасы С.Мұхтаров сөз сөйлеп, аяулы жандарды мерекемен құттықтады.

Салтанатты шара ауыл өнерпаздарының концерттік бағдарламасына ұласты.