Қарттар күні аталып өтті

Бүгін ІІІ Интернационал ауылдық округінде 1 қазан – Халықаралық қарттар күні мерекесіне орай, ауылдық мәдениет үйінде салтанатты жиын өтті.
Жиында ауылдық округ әкімі Н.Сайымов, ардагерлер кеңесінің төрағасы С.Мұхтаров, «Достық Жер МК» ЖШС-і директорының орынбасары Е.Әбенов сөз сөйлеп, ауыл ардагерлерін мерейлі мерекемен құттықтады.
Халқымызда «Қариясы бар ел – қазыналы ел» деген тағылымды сөз бар. Біз әрқашан қариясын қадірлеп, ардагерін ардақтаған текті елдің ұрпағымыз. Әркез алдыңғы буын аға-апаларымыздың ел дамуы жолындағы ерен ерлігі мен қажырлы еңбегін үлгі тұтамыз. Өйткені, ғұмыры ғибратқа толы ардақты ардагерлердің жүріп өткен жолы – өнеге мен тағылым мектебі.
Кеште ауыл көркемөнерпаздары ардагерлердің құрметіне ән айтып, би биледі. Қазыналы қарттарымыз көтеріңкі көңіл-күймен тарқасты.