Ана бақыты
qarmaqshy-tany.kz Ақжар ауылдық әйелдер кеңесінің жылдық жоспарына сәйкес 8 - наурыз Халықаралық әйелдер мерекесіне орай апталық өтуде.
Ауылымызда "Офицердің анасы" төс белгісімен марапатталған аналарымыз Мүсіркегенова Рая зейнеткер ұстаз, Әлиакбарова Сара зейнеткер ұстаз және Есмаханова Сара бастауыш сыныбының мұғалімі тұратынын мақтанышпен айтады.
Ақжар ауылдық кітапханасында "Ана бақыты" атты Офицердің анасы Әлиакбарова Сараның қатысуымен кездесу кеші болып өтті. Іс шараны Ақжар ауылдық әйелдер кеңесінің төрайымы Жөнейтова Рая Қайырқызы жүргізді. Аналар өздерінің балалары жайлы айтып, өте мағынасы зор пікір алмасу болды. "Рүстембек жырау" үйірмесінің жетекшісі Бедебаев Балтабай және Ақжар ауылдық әйелдер кеңесінің мүшесі Рахымжанова Ақмарал ән мен жырдан шашу шашты.
