Әлем таныған Жамбыл
Ақжар ауылдық кітапханасының ұйымдастыруымен ұлы жырау, суырыпсалма жыршы, айтыскер ақын, өз есімімен ұлтымыздың даңқын әлемге танытқан біртуар тұлға Жамбыл Жабаевтың 175 жылдығына арналған "Әлем таныған - Жамбыл" атты танымдық кеш болып өтті.
Танымдық кешке "Рүстембек жырау" үйірмесінің жетекшісі Б.Бедебаевпен кітапхана оқырмандары қатысты. Кеште Жамбыл Жабаевтың өмірі жайлы видеожазба көрсетіліп, кеш қонақтарына кітап көрмесі таныстырылды. Кеш қонақтары өлең оқып, жырдан шашу шашты.
