«Оқуға құштар колледж» жобасы

qarmaqshy-tany.kz 28 ақпан күні «Оқуға құштар колледж» жобасы аясында Қармақшы аграрлы-техникалық колледжінің оқу залында білім алушылардың қатысуымен «Бір колледж-бір кітап» атты жазушы Әзілхан Нұршайықовтың «Ақиқат пен аңыз» романы бойынша кітап оқу акциясы өткізілді. Шараның мақсаты студенттердің көркем әдебиетке деген қызығушылығын арттыру, оқу мәдениетін қалыптастыру. Бұл шығармада Ұлы Отан соғысының даңқты қаһарманы, гвардия полковнигі Бауыржан Момышұлының азаматтық, ерлік тұлғасы мүсінделеді. Бауыржанның сонау балауса жастық шағынан бері, Кеңес Армиясының үздік мектебінде шыңдалу кезеңіне, Ұлы Отан соғысының отты жылдарынан бастап күні бүгінге дейінгі ұлағатты өмір жолыншынайы, қызғылықты баяндайды. Студенттер кітапты оқу арқылы роман желісі бойынша «Ақиқат пен аңыз» роман-диалогімен танысып, кітаптан үзінділер оқып, талқылады.