Қазақстан Республикасы Ішкі істер министрінің нұсқауына сәйкес, Қармақшы ауданының полиция бөлімінің қызметкерлерімен 2023 жылдың ақпан айының 20-28-і күндері аралығында аудан аумағында шетелдіктердің Қазақстан Республикасында болу және шетелдік жұмыс күшін тарту қағидаларын халық арасында кеңінен түсіндіру жұмыстарын жүргізу, заңсыз көші-қонды ескерту, жолын кесу, сондай-ақ шетелдіктер мен азаматтығы жоқ адамдардың Қазақстан Республикасында болу тәртібінің қағидаларын бұзушылықтарын анықтау мақсатында, «Мигрант» жедел профилактикалық іс шарасы өткізілуде.

Іс шараның негізгі мақсаты көші-қон заңнамасын сақтау бойынша шетелдіктер мен қабылдаушы адамдар арасында ақпараттық түсіндіру жұмыстарын жүргізу, заңсыз келген және уақытша тұрып жатқан шетелдіктерді, оған қоса заңсыз тұрып жатқан шетелдіктерді, заңсыз көші-қон арналарымен оларды ұйымдастырушыларды анықтау. Сонымен қатар ҚР-на келіп кетуі мен ҚР-да болу ережелерін сақтау болып табылады.

«Мигрант» жедел профилактикалық іс-шарасының мақсатын түсіндіру бойынша іс-шара « Facebооk » әлеуметтік желісіне хабарламалар шығарылып отырылуда. Сонымен қатар, «қабылдаушы тұлғаның шетелдіктердің және азаматтығы жоқ адамдардың өздерінде болуы туралы ішкі істер органдарына уақытылы хабардар етпегені»- үшін, ҚР ӘҚБтК-нің 518-бабы 1-бөлігімен 4-азамат әкімшілік жауапкершілікке тартылды.

Бұл бағыттағы жұмыстар әлі де өз жалғасын табуда.