Қармақшы ауданы көлемінде «Заңсыз келуші» жедел-профилактикалық іс-шарасы өткізілуде

Қазақстан Республикасы Ішкі істер министрінің нұсқауына сәйкес, 2021 жылдың желтоқсан айының 06-12 күндері аралығында аудан аумағында шетелдіктердің Қазақстан Республикасында болу және шетелдік жұмыс күшін тарту қағидаларын халық арасында кеңінен түсіндіру жұмыстарын жүргізу, заңсыз көші-қонды ескерту, жолын кесу, сондай-ақ шетелдіктер мен азаматтығы жоқ адамдардың Қазақстан Республикасында болу тәртібінің қағидаларын бұзушылықтарын анықтау мақсатында "Заңсыз келуші" жедел профилактикалық іс-шарасы өткізіледі.

Іс шараның негізгі мақсаты көші-қон заңнамасын сақтау бойынша шетелдіктер мен қабылдаушы адамдар арасында ақпараттық түсіндіру жұмыстарын жүргізу, заңсыз келген және осында тұрып жатқан шетелдіктерді, оған қоса заңсыз тұрып жатқан шетелдіктерді, заңсыз көші-қон арналарымен оларды ұйымдастырушыларды анықтау. Сонымен қатар ҚР-на келіп кетуі мен ҚР-да болу ережелерін сақтау болып табылады.