Аудан басшысы нысандарды аралады
qarmaqshy-tany.kzАудан әкімі Жандос Еркінбек Жосалы кентіндегі бірқатар нысандарды аралап, жұмыс барысымен танысты. Бірінші кезекте аудандық төтенше жағдайлар және аудандық полиция бөліміне барып, материалдық-техникалық базаларының жай-күйін бақылады. Сала қызметкерлерімен пікірлесіп, қоғамдық қауіпсіздікті қамтамасыз ету бойынша ұсыныстарын тыңдады. Мұнан соң аудандық кәсіпкерлік, өнеркәсіп және туризм бөлімінің және аудандық Жастар ресурстық орталығының ғимараттарын көрді. Орталық ғимаратын жөндеуден өткізуге жоба сметалық құжаттарын әзірлеу жөнінде тиісті сала басшыларына тапсырмалар жүктеді. Сонымен қатар, «Қазақстан Халық банкі» АҚ Байқоңыр филиалының аудандық бөлімінің жұмысымен танысып, халыққа қызмет көрсету сапасына мән берді.
«Қт» ақпарат
