Аудан басшысы Жосалы кентіндегі бірқатар нысандарды аралады
qarmaqshy-tany.kz Бүгін аудан әкімі Жандос Еркінбек Жосалы кентіндегі бірқатар нысандарды аралап, жұмысымен танысты.
Алдымен, аудандық төтенше жағдайлар бөлімі мен аудандық полиция бөліміне барып, материалдық техникалық базаларының жай-күйін бақылады. Сала қызметкерлерімен еркін пікірлесіп, қоғамдық қауіпсіздікті қамтамасыз ету бойынша ұсыныстарын тыңдады.
Одан соң, аудандық кәсіпкерлік, өнеркәсіп және туризм бөлімінің және аудандық жастар ресурстық орталығының ғимараттарын көрді. Жастар ресурстық орталығы ғимаратын жөндеуден өткізуге жоба сметалық құжаттарын әзірлеу жөнінде тиісті сала басшыларына тапсырмалар жүктеді.
Сонымен қатар «Қазақстан халық банкі» АҚ Байқоңыр филиалының Қармақшы аудандық бөлімінің жұмысымен танысып, халық қызмет көрсету сапасына бақылау жасады.
