Темірбек Жүргенов – қазақ руханиятының көшбасшысы

qarmaqshy-tany.kz Қармақшы аудандық білім бөлімінң ұйымдастыруымен А.Жанпейісов атындағы №105 мектеп-лицейінде «Темірбек Жүргенов – қазақ руханиятының көшбасшысы» тақырыбында тағылымды шара өтті.

Кездесу барысында ұлттың ұлы перзенті, Алаш ардақтысы Темірбек Жүргенов өмірі мен шығармашылығы жайлы оқушыларға тарихи мәліметтер берілді. Арнайы дайындалған бейнероликпен қатар сахналық көріністер қойылып, оқушылар тарихи тұлғаның шығармашылығы жайлы Readx форматында жобаларын қорғады.

Тағылымы мол тәрбиелік мәнді іс-шараны «Ұлт бірлігі - Қармақшы» қоғамдық бірлестігінің төрағасы, аудан ардагері Ш.Құндақбаев, аудандық білім бөлімінің әдіскері А.Тоқшылықова қорытындылап, тұғыры биік тұлғаның 125 жылдығына арналған мерейтой аясындағы жұмыстар өскелең ұрпақтың тарихи санасын жаңғыртуға зор үлес қосатынын жеткізді.